Gizarte osoa krisi sakon batean murgildurik dago, kapitalismo neoliberalaren krisian, zeinak gutxi batzuentzako feminismo liberal bat sustatzen baitu politika elitista eta korporatiboen bidez. Abiapuntu horri tiraka, hamaika tesi eta proposamen bat dakartza saiakera labur honek. Izan ere, tresna erabilgarria da egungo eztabaidak kokatzeko; horren erakusgarri da jatorrizkoa argitaratu zenetik urtebete ere egin ez duenean hamar hizkuntza baino gehiagotara itzuli izana.
Manifestu honek aldarrikatzen duen ezkerreko feminismoak egungo eredu neoliberalari oposizio bateratua eginen dio; emakumeen gehiengoaren egoerak eta premiak erdigunean jarriko ditu, eta gorabehera politiko, ekologiko, sozial, ekonomiko eta erreproduktiboak aintzat hartuko. Hala, sistema ekonomiko ofizialetik kanpo dauden zaintza mota guztien garrantzia aitortuta, gehiengoaren aldeko feminismo ezkertiar, antikapitalista, antiarrazista eta ekosozialista bat proposatzen du. Finean, modu argian azaltzen du zergatik ibili behar duen gizateria osoak % 99ren aldeko feminismorako bidea.